Cun número especial, o xornal gratuíto De Luns a Venres, pertencente ao grupo El Progreso, celebra os seus cinco anos de existencia. Nestes cinco anos De Luns a Venres consolidouse como o terceiro xornal con maior difusión de Galicia (segundo os seus datos) e como o segundo a nivel de difusión na provincia da Coruña. O gratuíto elabórase en Compostela e no seu perfil de lectores "destaca un crecente público feminino e xuvenil, así como unha ampla porcentaxe de castelánfalantes". De Luns a Venres distribúe 40.000 exemplares en papel.
