Capa de Murguía 23
Está xa nos quioscos a nova entrega de Murguía. Revista Galega de Historia, que chega ao seu número 23. Nesta xeira trátase cuestións como a memoria histórica en Galicia, a cargo de Carlos Velasco, ou a escavación das foxas de represaliados no Rosal. Canda a isto, novas pescudas encol Prisciliano, da man de Victorino Prieto Pérez e textos de lembranza a Francisco Fernández del Riego e a Xosé María Álvarez Blázquez son algúns dos contidos que se poden atopar. Parte dos contidos están dispoñibles no web da publicación.
