A Coruña non terá apropósito este Entroido

O Entroido da Coruña quedará este ano sen unha das súas máis peculiares tradicións, o apropósito. Esta representacións satírica, na que se reinterpretaba de xeito burlesco algún acontecemento destacado do ano, non se celebrará como viña sendo habitual desde mediados do século XIX. Antón de Santiago, coordinador da compañía Apropósitos Nito, que no último cuarto de século correu coa organización deste evento, sinalou que o Concello non os contactou para incluír a actividade no programa, polo que non se realizará.