Sargadelos, o Castro de Samoedo e o Museo Carlos Maside serán BIC

Os complexos fabrís de Sargadelos e mais do Castro de Samoedo, así como o Museo Carlos Maside, serán declarados Ben de Interese Cultural. O director xeral de Patrimonio Cultural, José Manuel Rey Pichel, anunciaba esta mañá no Parlamento que o seu departamento iniciará a incoación do expediente para protexer estes elementos. Con esta medida Rey Pichel sinalou o "compromiso" da xunta co legado de Isaac Díaz Pardo, fundador das tres entidades.