O Centro de Documentación Sociolingüística de Galicia do Consello da Cultura Galega organiza, como ven sendo habitual, os Encontros de Normalización Lingüística. O evento, que chega este ano á súa XIV edición, desenvolveráse na Cidade da Cultura os vindeiros días 8 e 9 de marzo, e terá na mocidade o seu eixe fundamental de traballo. Arredor desta cuestión o programa prevé abordar cuestións como o emprego da nosa lingua e actividades de lecer, experiencias no campo da educación, as redes sociais ou os novos medios de comunicación na nosa lingua, entre outras iniciativas.
A preinscrición para o encontro está xa aberta ata o 16 de febreiro no web do Consello da Cultura Galega, a un prezo de dez euros, con descontos para estudantes e licenciados e sendo de balde para socios da Coordinadora de Traballadores/as de Normalización da Lingua e mais da Coordinadora de Equipos de Normalización e Dinamización Lingüística.
