Fonte: Cámara negra
“A nosa proposta parte dun dos personaxes da novela, unha muller que toma a decisión de que quere morrer, pero non quere suicidarse e busca que alguén a mate” explica Carlos Álvarez-Ossorio, director de Cámara Negra. Despois dun ano de investigación a partir de O idiota escrito por Dostoievski, o resultado é unha obra experimental que pretende afondar nos sentimentos, na toma de decisión e nas dúbidas ante unha decisión irreversible. A montaxe, que abre unha nova etapa na traxectoria da Zona C, caracterízase por non gozar dunha posta en escena tradicional. Mónica de Nut cantará en directo sendo a única ambientación sonora dun espectáculo no que o público (máximo 50 persoas) se sentará ao redor dun escenario que se ilumina unicamente con candeas.
Esta montaxe particular buscar a implicación do espectador. A música é en directo e a iluminación tenue obrigará ao público “a forzar a vista”, en palabras do director, para ofrecer unha proposta diferente do que está acostumado a ver. A obra estará todo o mes de febreiro (de xoves a sábado ás 20:30 horas) na zona C, que se abre ás artes escénicas.
Duración: 90 minutos
Prezo: 8 euros
