A Universidade da Coruña edita Unha outra guía para a intervención lingüística

Unha outra guía para a intervención lingüística é o título co que a Universidade da Coruña acaba de publicar, en papel e en pdf de libre acceso na rede, algunhas das intervencións que se realizaron no marco do curso (re)pensando o discurso. Do encontro, centrado na busca de novas fórmulas para a dinamización lingüística, recupéranse agora textos como o de Iván Méndez López sobre os discursos e os marcos encol da lingua galega, o de Xaime Subiela sobre as achegas colectivas na normalización desde institución, ou o de Pilar García Negro sobre crise e lingua entre outros.