Fonte: Wikimedia Commons
A Asociación de Escritores en Lingua Galega decidiu outorgarlle a José Luís Sampedro o título de Escritor Galego Universal en 2012. O colectivo lembra, con esta mención "a alta calidade da súa literatura ‑lúcida, profunda, radical e transgresora‑, impregnada do insubornábel compromiso ético do autor". Na nota de prensa remitida, a AELG lembra os vencellos deste autor, nado en Barcelona, co noso país, sinalando que ocupou a presidencia de honra da Asociación Lóstrego, en Madrid, xa nos anos setenta e as diferentes visitas que realizou ao noso país. A entrega do galarón farase no vindeiro mes de maio.
