Fúndase a asociación Gatea para promover o teatro na comunidade educativa

Katarsis, Elefante Elegante e Caramuxo Teatro comparten unha particular visión da creación escénica. “Nós pretendemos, afirma Carolina Ramos de Katarsis, usar o potencial das artes escénicas para facilitar a aprendizaxe estimulando a creatividade e a creación”. Nese empeño común acaban de crear Gatea, unha asociación que pretende estimular a creatividade e a aprendizaxe tomando o teatro como ferramenta. Entre as primeiras actividades de Gatea está unha mostra de teatro galego que terá lugar en Madrid os días 18 e 19 de febreiro. Elefante elegante representaráTristan cara de can, Caramuxo con Zapatos e Katarsis Pa cama.