Quiosco: Paraíso 9

A Axencia Galega das Industrias Culturais acaba de publicar na rede o noveno número de Paraíso a súa publicación dedicada ás artes escénicas. A revista dedícalle a súa capa á compañía de danza Sólodos. Canda a eles, préstalle atención en diferentes artigos ás formacións Espello Cóncavo, Elefante Elegante e Caramuxo Teatro, así como a María Barcala. Un artigo sobre o Teatro Jofre de Ferrol completa a entrega, que achega tamén unha completa axenda do Salón Teatro e mais da Rede de Teatros e Auditorios para o primeiro semestre deste ano.