O Teatro: terceira parte

Traspasado o ecuador desta Mostra que está marcada pola reivindicación dos colectivos vencellados ao teatro (Representantes de Escena Galega e a Asociación de Actores e Actrices de Galicia len diariamente un comunicado denunciando a situación do teatro galego e pedindo a demisión do conselleiro de Cultura, Roberto Varela e do director de Agadic, Juan Carlos Fasero), hoxe toca unha xornada de espectáculos completos. Do proxecto pedagóxico Katarsis, Educación e Teatro ao cine-fórum de Chévere, pasando por Teatro do Atlántico e Talía Teatro.