O novo conselleiro de Cultura anuncia continuidade no proxecto do Gaiás

O novo conselleiro de Cultura, Xesús Vázquez, anunciou que continuará o traballo do seu predecesor respecto á Cidade da Cultura. Vázquez fixo o pasado sábado balanzo de actividade do complexo, salientando que o número de visitas recibido en 2011, 331.892, superou as previsións, que apostaban por 300.000. Segundo adianta o Faro de Vigo a Xunta quere conseguir un millón de euros para financiar a actividade do complexo ao longo deste ano, do cal un 77% deberá vir de contribucións privadas.

Vázquez apuntou que se mantén para xuño a data prevista de inauguración do edifico de Servizos Centrais e mais da exposición Gallaecia Petrea. De cara aos vindeiros meses está previsa a celebración do II ciclo Pequeclassics, o Encontro Internacional Economía e Cultura, en febreiro, e o concerto de Björk, previsto para o 22 de xuño.