Xesús Vázquez quere abrir o centro de interpretación de San Cibrán de Las "a principios de 2013"

Xesús Vázquez, o Conselleiro de Cultura, Educación e Ordenación Universitaria, manifestou nunhas declaracións a La Región o seu interese por "potenciar" o centro de interpretación da cultura castrexa de San Cibrán de Lás, "que queremos inaugurar a comezos de 2013". O centro xa está rematado, e tamén os contidos expositivos do seu interior están xa instalados, pero ata o momento, só un garda de seguridade traballa no edificio. O centro de interpretación de San Cibrán de Lás atópase aos pés dun dos castros máis grandes de Galicia e será o núcleo do Parque Arqueolóxico da Cultura Castrexa, o segundo en abrirse trala inauguración do Parque Arqueolóxico da Arte Rupestre en Campo Lameiro.