A campaña Vitaminas para o galego supera os seus obxectivos de redacación

Tiñan 40 días para conseguir 3.300 euros, e cando aínda lles quedan vinte, xa teñen 4.100. A campaña de crowdfunding Vitaminas para o galego, que quere potenciar os medios de comunicación na nosa lingua superou con creces as achegas que solicitaba mediante a plataforma Verkami.com. Máis de cen persoas colaboraron con esta proposta, que pretende divulgar e favorecer a subsistencia de medios na nosa lingua mediante material promocional, presentacións e apoio económico directo. Ademais dos promotores iniciais, sumáronse á campaña Terrachá.xa, Crónicas da comarca (Arzúa - Melide) e Radio Nordés (Vimianzo).