Abre en Caión o Arquivo da Pesca

A historia da confraría, a pesca da balea e, en xeral a relación da vila de Caión co mar centran a actividade do Arquivo da Pesca que abría as súas portas o pasado fin de semana. Para alén dunha exposición didáctica sobre estas cuestións, o proxecto pretende recoller e dixitalizar os documentos relacionados co mar, partindo dos arquivos da confraría local. O proxecto foi impulsado por esta entidade e conta co apoio do Grupo de Acción Costeira (GAC) 3 Costa da Morte e do Concello da Laracha.