Emisión da Galega en TDT compartida cun menú da televisión híbrida
A televisión conectacta, baseada na implantación da tecnoloxía híbrida de televisión de banda ancha (HbbTV) terá no 2012 o seu ano de implantación. Neste camiño, a CRTVG acaba de iniciar as probas experimentais de emisión. A televisión conectada consiste nunha plataforma á carta cunha especie de barra lateral con múltiples funcións como escoller contidos de catálogo, participar en votacións, comentar en tempo real e ampliar información do programa que se está a emitir, entre otras opcións.
A tecnoloxía é compatible co sistema de difusión actual pero incrementará as súas posibilidades cando se remate o proceso de dixitalización do ente público. En canto á recepción, malia que xa están no mercado novos televisores adaptados á tecnoloxía, os actuais deberán incorporar un módulo adicional de baixo custo (arredor duns 12 euros). A medida foi explicada no Parlamento por Alfonso Sánchez Izquierdo, director xeral da CRTVG.