Santiago. XXIII, da serie Confusión. 2005. Óleo sobre lenzo, 100 x 100 cm.
Vive e traballa a cabalo de dúas capitais, Edimburgo e Madrid, pero Roberto González Fernández (Monforte, 1948) é xa nun nome de referencia na arte galega desde finais dos anos 70. Foi entón cando comezou a marcar a súa traxectoria cunha obra figurativa na que amosaba un interese pola experiencia interior do ser humano. González está tamén de actualidade porque a Galería Espazo 48 acaba de inaugurar a súa última exposición,
Sobre a súa obra, o comisario Seve Penelas, explica que “combina a súa apariencia realista, o bo oficio e acabado das súas obras, cos entramados conceptuais que aborda nos seus contidos e temáticas -o amor, o erotismo, a morte, a perda, a nostalxia, a viaxe, a paisaxe-, desenvolvidos nun auténtico cruzamento de alegorías e símbolos”. Na súa obra hai un marcado interese polo tempo e polo espazo pero tamén polos novos formatos. Nos últimos anos, a través de tecnoloxías innovadoras e paralelamente á pintura, desenvolveu numerosos proxectos especialmente realizados para a súa salientable páxina web e para Facebook.
