Esculturas en secuencia

É un dos escultores galegos máis recoñecido. Francisco Leiro (Cambados, Pontevedra, 1957) vive a medio camiño entre Galicia, Madrid e Nova York. Acaba de presentar unha nova mostra na Galería SCQ, a terceira na súa traxectoria. Obras novas adecuadas ao espazo e outras esculturas xa exhibidas noutra ocasión compoñen unha mostra que visitamos co propio artista. Canda el, a codirectora da galería, Mónica Iglesias, achega a outra cara desta mostra que se pode ver en Santiago ata o vindeiro 16 de xaneiro.