A Consellaría de Cultura, a Deputación Provincial de Pontevedra e o Concello de Meis son as tres entidades implicadas na restauración da igrexa do mosteiro de Armenteira. A este fin destinarán 388.562 euros (350.000 da Consellaría de Cultura, 38.562 da Deputación e o Concello de Meis achegará as licenzas) que permitirá, segundo a nota de prensa, rehabilitar “un dos monumentos máis significativos da provincia de Pontevedra, ademais de ser o edificio máis representativo do románico galego”. A decisión aprobouse hoxe no marco do Consello da Xunta que tivo lugar en Ourense.
As obras estarán cofinanciadas ao 70% polo Fondo Europeo de Desenvolvemento Rexional, no marco do Programa operativo Feder Galicia 2007-2013.
