Son seis quilómetros que seguen o curso do río Armenteira a través dun itinerario anegado por muíños e vexetación. E para rematar, o Mosteiro da Armenteira, unha xoia arquitectónica que pon fin a un percorrido estimado de dúas horas. Percorremos este camiño da man de Marta Lucio, xestora cultural da Deputacion de Pontevedra.
Hai tres anos, a través da deputación de pontevedra e dos concellos implicados decidiron recuperar un trazado case abandonado. “Sabíase da importancia dos muíños, que a xente empregaba para ir moer pero que estaba cheo de maleza e silvas” explica Marta Lucio, xestora cultural de Deputación de Pontevedra e coordinadora deste proxecto. Durante tres anos, os concellos implicados co apoio da Deputación, organizaron visitas, destinaron fondos para limpar a maleza e mesmo convocaron unha escola-obradoro para trabalar no patrimonio etnográfico. O resultado tradúcese nos 30.000 visitantes que este percorrido contabilizou ata o mes de agosto (non incluído). Ademais, Marta apunta que tamén se está a compilar tradicion oral e está a ter un éxito brutal. “Estamos ofrecendo un aliciente máis, ou diferente, do típico turismo de praia” propio desta zona.
Ribadumia
A primera parada seleccionada por Marta é precisamente no concello de Ribadumia, que da inicio á ruta. “Hai unha demostración dunha antiga moenda e hai unhaoficina de turismo, onde se colllen os folletos para facer a ruta” explica.
Aldea labrega
É, sen dúbida, un dos grandes atractivos deste roteiro. Segundo explica Marta, trátase “dunha reconstrución que fixo unha escola de canteiros da Deputación Tardicional, que reproduce a típica aldea de finais do XIX e principios do XX, que conta con réplicas dun lavadoiro ou un hórrreo”.
Museo da Armenteira
A terceira parada seleccionada é precisamente o fin do camiño, o Mosteiro da Armenteira. “É un dos monumentos máis destacados da comarca da Armenteira” apunta Lucio, ao tempo que lembra que acolle unha comunidade de monxas cistercienses.
