Exemplo de prendas de Alyce Santoro
Medio centenar de bandas e músicos galegos remitíronlle material en cinta de cassete e outros formatos á artista americana Alyce Santoro. Esta base, xunto con grabacións (en móbiles e outros dispositivos) en diferentes espazos da Cidade da Culura son o material sonoro sobre o que traballará despois para confección un traxe que tamén se pode escoitar. Esta particular vestimenta ten a particularidade de que, ademais de ser elaborado a partir de material reciclado (que mestura con algodón) tamén emite son ao pasar o cabezal dun radiocasete ou walkman pola superficie. O resultado final verase o vindeiro mércores 14 nunha intervención multidisciplinar que inclúe música e directo e danza.
