Unha mostra recupera textos inéditos de Laxeiro

Laxeiro, escritos é o título da mostra que abre esta tarde na sede da fundación dedicada ao pintor en Vigo. A mesma amosa 47 textos inéditos do artista, nos que se amosa o seu pensamento poético, canda a reflexións e recordos. O material da expo, canda a outros textos ata un total de 200 recompilarase proximamente nun libro, composto na súa maioría por material inédito. A exposición estará aberta ata o vindeiro 31 de xaneiro.