A música experimental chega ao Gaiás co ciclo Ruído de fondo

Ata o vindeiro mes de decembro, a Cidade da Cultura acollerá o ciclo Ruído de fondo dedicado á música experimental. A banda turca Hayvanlar Alemi abre o vindeiro 24 de xullo ás 22 horas o programa cun concerto no que amosarán a súa mestura de psicodelia, rock, folk, ska, ritmos tailandeses e surf. O dúo californiano No Age, composto por Dean Spunt e Randy Randal, continuará coa experiencia o vindeiro 18 de agosto. Ademais, participará no evento a artista Alyce Santoro, elaborando un traxe sonoro no que poderán participar todos os galegos que o desexen enviando os seus arquivos a ruidodefondo@cidadedacultura.org. As entradas estarán dispoñibles no web servinova.com a un prezo de 5 euros máis gastos de xestión.