Baixo o nome de Cal e canto o colectivo Batbirulau reflexiona sobre a morte. Concretamente sobre os sentimentos que quedan nas persoas cando a perda é dun achegado. Na inauguración (venres 21 de outubro), unha performer ataviada cunha longa saia, foi transformando os seus sentimentos en manchas, debuxos e trazos no chan ataviados con tinta negra intervindo sobre o espazo da Zona C. A intervención foi gravada cunha videocámara instalada na propia performer que ficou como testemuño da acción. Na zona C, espazo xestionado pola concellaría de Cultura, pódense se ver as imaxes, gravados e trazos que simbolizan esa dor persoal perante a morte.
