No recentemente publicado "Daredevil" número 116, o arquienemigo Kingpin visita A Costa da Morte, co inicio da historia "O retorno do rei". Todo o novo cómic-book da coñecida serie transcorre na Costa da Morte, onde Kingpin se refuxia, casou e ten dous fillos cunha galega. A historia xorde cando o guionista, Ed Brubaker, lle propón ao debuxante, o vallisoletano David Aja, a ambientación da historia de Kingpin nalgunha zona costeira de Europa. Aja propuxo a Costa da Morte: apetecíame coller unha zona grande que estivera pouco explotada a nivel turístico, e tamén para non etiquetar algún pobo concreto. Tentei reflectir o espírito da zona. Kingpin sufrirá en plena Costa da Morte un ataque ninja. Na ambientación non falta detalle: cantís, portos, paseos marítimos, Estrella Galicia, as tabernas típicas da Costa da Morte e pintadas de Nunca Máis. David Aja participou este verán pasado en Viñetas do Atlántico 2008.
