Son tempos de cambios e iniciativas. A revista Tempos Novos renóvase na rede e fai unha aposta por unha cabeceira electrónica, Tempos Dixital, que acadará certa autonomía con respecto á edición en papel da revista, incorporando canda os contidos da publicación en papel máis información durante o longo da semana. Tres xornalistas faranse cargo da xeira dixital: Paulo Carlos López, Denís Fernández e Comba Campoy, canda opinadores específicos para a edición electrónica. A cargo da dirección do proxecto continuará Luís Álvarez Pousa.
