Unha xornada pon en valor o legado da arquiveira Olga Gallego

A cita inclúese dentro do ciclo “Mulleres na Historia”

27/10/2011 | Santiago. Redacción | Seccións: historia

18 lecturas | Compartido 0 veces

Dedicou boa parte da súa vida á xestión e organización dos arquivos documentais en Galicia. Por iso, a xornada de estudo e de recoñecemento da figura de Olga Gallego Domínguez é tamén unha sesión dedicada ao documentalismo. A Comisión de Igualdade do Consello da Cultura Galega é a encargada de organizar esta xornada que se desenvolve hoxe na sede da institución. A cita abordará a tradición e modernidade na arquivística e, ademais, servirá para proxectar un audiovisual sobre Olga Gallego.