É unha das artistas de referencia do teatro e do espazo audiovisual galego. Por iso, a comisión de igualdade do Consello da Cultura Galega escolleu a figura de Mabel Rivera para homenaxear ao sector das artes escénicas. Será nunha xornada que terá lugar o vindeiro 24 de outubro na sede da institución e que permite encerrar na súa persoa o protagonismo que tivo “un grupo de mulleres dispostas a rachar coas expectativas que a sociedade galega tradicional depositaba sobre elas e dispostas, sobre todo, a seren protagonistas dos procesos artÃsticos dunha Galicia nova”. Dolores Vilavedra e Inma López Silva coordinan esta xornada.
