A entidade brasileira Itaú Cultural e mais o Consello da Cultura Galega organizan o encontro Conexões IV:A Literatura Brasileira hoje. Diálogos Galiza-Brasil. Entre o 17 e o 19 de outubro, a sede do Consello acolle a primeira edición deste evento en Europa. Na mesma, escritores brasileiros e galegos, canda a investigadores internacionais sobre as letras do Brasil, analiarán as dinámicas da literatura deste país e as súas dificultades para se inserir nos espazos da crítica e dos mercados internacionais. O evento contrastará a experiencia deste país coa dos autores galegos.
Pola banda de Brasil agárdase da presenza de autores como Luiz Ruffato, Márcio Souza, Cíntia Moscovich, João Almino, Marçal Aquino e Marco Lucchesi, mentres as letras galegas estarán representadas por escritores e investigadores como Anxo Quintela, Carlos Quiroga, Carlos Paulo Martínez Pereiro, Carmen Villarino, Elías Torres, Iolanda Zúñiga, Manuel Bragado, Suso de Toro, Víctor Fernández Freixanes, ou Xavier Queipo.
