A Xunta declara BIC o Castro de Baroña

Hoxe sae publicado no Diario Oficial de Galicia (DOG) o decreto que recoñece o Castro de Baroña, como Ben de Interese Cultural na categoría de zona arqueolóxica. É a figura máxima de protección para un castro destas características que recolle desde as formas de preservación, especifica os criterios básicos que deberán rexer as futuras intervencións e a delimitación da súa contorna. O expediente foi aprobado o pasado 22 de setembro e a figura entra en vigor coa publicación do DOG, co que se pon fin ao proceso iniciado hai un ano para protexer este castro.