Co centenario de Álvaro Cunqueiro como eixe, Manuel Lourenzo e Santiago Fernández presentaban onte na sede da Deputación da Coruña a entrega número trece da revista teatral Casahamlet. Canda a textos sobre o traballo do mindoniense, o número inclúe o artigo de Carlos Álvarez-Ossorio Ferramentas para o diálogo teatral, que explica técnicas para a formación de actores. Ademais da distribución en librarías, entre 1.100 e 1.500 exemplares da revista serán distribuídos pola Deputación da Coruña por bibliotecas e centros culturais.
