A moda galega contará a partires de agora cun novo referente no mundo do deseño: Jesús Sáez. A pasarela Cibeles presentará o día 16 a obra deste estradense na súa sección de "Novos Valores". Unha obra coa que presentará unha serie de modelos de festa na que a innovación se mestura cos deseños clásicos.
ENLACES RELACIONADOS
Pasarela Cibeles
Trampolín
Non é a primeira vez que Jesús Sáez acada un recoñecemento no mundo da moda. O ano pasado quedou finalista do premio Tesoira, o certame que organiza cada ano a consellería de familia epromoción de empleo, muller e xuventude e que premia ós Novos Creadores de Moda. Este estradense deixou a súa careira de enxeñe3ría de camiños dende onde pasou a Modagal, para despois licenciarse na Escola Superior de París. Na pasarela madrileña pretende exhibir unha serie de modelos de festa que pechará cun traxe de noiva, a súa propia especialidade. Sáez foi elexido para esta exposición entre un total de 18 empresas galegas.
A pasarela deste ano
Este ano a pasarela Cibeles chega á súa trixésimo terceira edición, cunha vocación de promoción internacional da esencia da moda. Do 17 ó 21 de febreiro o parque feiral Juan Carlos I acollerá a máis nutrida representación dos modistos españoles, un grupo entre os que destaca Roberto Verino que xa ten confirmada a súa presencia neste certame bianual. Verino estará este ano en Madrid dentro do apartado do "Museo da Antropoloxía" da moda.
