A celebración do Día Mundial da Arquitectura pon o énfase nos dereitos humanos

“Toda a persoa ten dereito a un nivel de vida que lle asegure o acceso á vivenda”. Isto que reza no artigo 25 da Declaración da ONU e inspira aos arquitectos (acollidos na Unión Interncional de Arquitectos) para celebrar o seu día. Baixo o lema “Arquitectura e dereitos humanos”, cada unha das delegacións do colexio profesional galego desenvolven actividades que van desde a celebración de actividades, conferencias e xornadas de portas abertas. Unha das actividades centrais terá lugar en Santiago onde, ademais de ler o manifesto deste ano, destacarase a importancia social das prazas da cidade.