Os Museos Científicos fallan os Premios Prisma

A XXIV Edición dos Premios Prisma de Divulgación Científica, que entregan cada ano os Museos Científicos Coruñeses, xa teñen gañadores. No apartado de divulgación audiovisual levouno o documental En busca del primer europeo, de Televisión Española e Turkana Films, mentres en artigos xornalísticos o gañador foi Javier Fresán Leal polo texto Perelman no estuvo allí. En canto a web, o xurado recoñeceu o Museo Virtual sobre a Xenética e o ADN que se pode consultar en oliba.uoc.edu/adn, e fixo unha mención honorífica ao web vexetaciondegalicia.es. Finalmente, o premio especial do xurado foi para a bioquímica Margarita Salas.