O pasado sábado o xurado dos XXI Premios Prisma Casa das Ciencias á Divulgación fallaba os galardóns deste ano. Os 9.000 euros do premio especial foron para Miguel Ángel Quintanilla Fisac polo seu traballo a prol da cultura científica no Estado. Canda a el, foi recoñecido o documental O novo universo, cómo a física cambiou o mundo na categoría de mellor multimedia. Darwin e o deseño intelixente. Creacionismo, cristianismo e evolución de Francisco J. Ayala foi considerado o mellor libro e Un ``Big Bang´´ a 100 metros bajo tierra de Pablo Jáuregui levou o galardón ao mellor artigo xornalístico.
