Unha serie que descobre os comportamentos de algunhas especies animais, un libro que procura espertar o sentido crítico e o escepticismo do lector (Por que cremos en cousas raras. Pseudociencia, superstición e outras confusións do noso tempo de Michael Shermer), un artigo xornalístico sobre a orixe do universo (A orixe de todo publicado en Popular Science), e un texto inédito sobre a metamorfose dos insectos (A vivir que son dous días. Unha viaxe pola metamorfose dos insector de Xaiver Bellés) son os gañadores da última edición do Prismas de Bronce. Un premio que concede a Casa das Ciencias a libros, documentais e artigos que contribúen a difundir mellor a ciencia. O Prisma Especial do Xurado, dotado por PharmaMar grupo Zeltia con 9.000 euros, foi para á revista Mètode, da Universitat de Valencia.
