A Casa das Ciencias falla os XXVI premios Prisma

A peza Vacinas? Si, por suposto, de Manuel Vicente García, que se emitiu dentro do programa Efervesciencia, da Radio Galega, é a principal representación galega nos premios Prisma, ao obter o premio ao Mellor traballo en radio. Nos galardóns, que organiza a Casa das Ciencias da Coruña e se fallaron esta fin de semana, xurado recoñeceu co Prisma Especial ao doutor Angel Carracedo, destacado xenetista da Universidade de Santiago, pola súa capacidade de combinar a investigación ao máis alto nivel co traballo de divulgación científica.