ADEGA premia fotos e relatos para denunciar as agresións ao patrimonio

ADEGA entregou hoxe os galardóns do concurso Relatos e Fotos polo Territorio, cos que a organización ecoloxista quere "facer partícipe á cidadanía galega no retrato do estado actual do territorio a través da imaxe e da palabra". Os gañadores foron Teolinda Lorenzo e Luis Suárez, no concurso de fotografía, nas categorías xuvenil e adulta respectivamente. No concurso de relatos, gañaron Sara Azidane, na categoría xuvenil, e María Brañas, na adulta. "A intención destas convocatorias", segundo ADEGA, foi "reivindicar unha ordenación territorial sustentábel".