Agadic ensaia o patrocinio como figura para apoiar a creación galega

“Primeiro existía unha fórmula que eran os convenios, despois chegaron as subvencións e agora pareceunos interesante experimentar se podería funcionar unha vía como o patrocinio no que as compañías tamén arriscan co espectáculo”. Así se explicou hoxe Juan Carlos Fasero, director de Agadic, na presentación de O florido pénsil (Produtora Emedous), primeira montaxe que se presenta baixo esta fórmula. Agadic achegou 25.000 euros, así como a cesión do Salón Teatro onde mañá se estreará o espectáculo que estará de xira pola Rede Galega de Teatros e Auditorios ata mediados de decembro. “É unha fórmula que pretendemos aplicar a determinados proxectos se esta experiencia resulta positiva” matizou o director de Agadic.