A sede da SGAE en Santiago, Arteria Noroeste, acolleu o mércores unha xuntanza á que estaban convocados todos os socios galegos. Na orde do día figura crear un grupo de traballo que se encargara da reforma do sistema electoral na SGAE e designar un representante que traslade a súa opinión á asamblea extraordinaria da entidade que terá lugar o 20 de setembro en Madrid. Antón Reixa foi a persoa designada pola trintena de participantes entre os que estaba Javier Soto (Siniestro total), Juan Carlos Fasero, Mercedes Peón, Ignacio Vilar ou Víctor Fábregas, entre outros.
