A Xunta de Galicia abordará o vindeiro ano un recorte de 129 millóns de euros nos seus orzamentos, aínda que completará as súas contas cun endebedamento adicional de 114 millóns. Así o anunciou onte a conselleira de Facenda, Marta Fernández Currás, quen culpou ao Goberno Central deste axuste por non ter transferido o Fondo de Cooperación ás autonomías neste ano. A Cultura é o segundo ámbito que se verá máis afectado por esta medida, xa que o orzamento previsto será un 5,4% menos, aproximadamente sete millóns de euros. Á fronte dos recortes está Medio Ambiente e Infraestruturas, cun 5,6% menos investimento. Educación terá 8,7 millóns menos, o que supón unha mingua do 0'4% nos seus recursos.Fernández Currás no entanto, asegurou que malia a política de axuste preservaranse as partidas para axudas a investigadores e tecnólogos, subvencións a industrias culturais e apoio ao turismo.
