Fotograma dunha das proxeccións desta edición de Ficbueu
A historia de dous cativos que soñan con mercar a camiseta do seu ídolo, o futbolista Cristiano Ronaldo ( Le maillot de Cristiano); unha viaxe na busca das raíces e do amor (Tabu); ou unha aproximación á figura de Fina Casalderrey son as historias que centran a primeira xornada de Ficbueu. É a cita coa curtametraxe que arrinca hoxe en Bueu e que conta con 25 títulos na súa sección oficial. Alén das proxeccións, o sábado haberá unha gran gala na que repartirán os galardóns deste certame que xa cumpre catro anos exhibindo curtametraxes.
