A Academia Galega de Gastronomía premia o Parador de Baiona

A concesión de premios é un dos labores da Academia Galega de Gastronomía. A entidade creouse no ano 2008 co obxectivo de estudar, coñecer e promover as ciencias e das artes culinarias, así como o seu valor etnográfico a través da investigación e a práctica das cociñas propias das distintas comarcas e parroquias galegas. No marco do seu cometido acaba de premiar o Parador de Baiona polo apoio á cociña autóctona nunha carta na que non faltan nunca pratos nin produtos da gastronomía galega. O chef Pedro Merino é o responsable do servizo que converte o Parador no primeiro establecemento hoteleiro que recibe unha distinción desta academia.