O depósito de Castromao será declarado BIC

É un dos principais referentes da cultura castrexa no noso país. En Castromao (Celanova) consérvase un depósito que, segundo publica hoxe La Región será declarado Ben de Interés Cultural, a figura máis alta de protección que contempla a Lei de Patrimonio. Segundo publica ese xornal, a consellaría iniciou o proceso de documentación previa á incoación do expediente. En todo caso, hai catro anos, a Xunta xa destinara unha contía económica para desenvolver os estudos previos aos inicios dos expedientes administrativos.