¿Viu vostede esta flor?

A Asociación Monte Pindo Parque Natural solicita a colaboración cidadá para localizar exemplares do Lirio de Monte ou do Xurés (Iris boisseri) neste macizo da Costa da Morte. O colectivo quere aproveitar a afluencia de visitantes ao Pindo no verán para comprobar se a flor ten desaparecido do monte ou se, pola contra, aínda restan exemplares descoñecidos. Se algúen localiza unha, desde a Asociación recomendan rexistrar a localización, fotografala e informar o antes posible, e lembran que ao ser unha especie en perigo, danala está multado.