A USC presenta campUSCulturae, un proxecto que potencia a diversidade cultural e lingüística

Unha biblioteca internacional campUSCulturae, un museo de carácter internacional sobre a ilustración, un centro da Interculturalidade, e outro máis sobre a creatividade. Estes son algunhas das iniciativas que fan parte de campUSCulturae, un proxecto académico a prol da diversidade cultural e das minorías lingüísticas que presentou hoxe a Universidade de Santiago. Trátase dun proxecto de cooperación no que participan Portugal, Islandia, Polonia, Bulgaria e Alemaña, financiado con cargo ao proxecto Cultura 2007-2013 da Comisión Europea (cuns 2.273.857 euros). A primeira das actividades será a reunión dos diferentes integrantes do grupo, a que lle seguirán congresos, exposicións e festivais que se desenvolverán nos escenarios dos diferentes países participantes (O xardín de Fonseca acollerá en setembro o Festival das Letras, no marco desta iniciativa).