O portal España es cultura achega información sobre 437 puntos de Galicia

O Ministerio de Cultura acaba de presentar o portal Spain is culture / España es cultura. Este web, que pretende promover o turismo cultural no noso país, achega unha axenda e un amplo catálogo xeolocalizado de elementos culturais do Estado. O web conta con versión en galego e recolle 437 referencias en Galicia, entre as que se atopan museos, casas de cultura e auditorios, elementos patrimonais como mosteiros ou castros e celebracións como algúns entroidos, festas gastronómicas ou romarías. Canda a isto, o web achega información sobre aloxamentos, transportes e outros servizos nas proximidades dos puntos de interese, e permite elaborar rutas personalizadas a través dos mesmos.