Volve a Rapa das Bestas de Sabucedo

Esta fin de semana celébrase unha das festas máis vistosas do verán galego. A Rapa das Bestas de Sabucedo, a máis coñecida pero non única das festas que celebran a marca e o corte de pelo dos cabalos bravos que viven as serras galegas. Este ano, adiantouse a hoxe a subida ao monte á procura das bestas, que serán levadas ao curro os tres vindeiros días, o sábado, domingo e luns. No web oficial da Rapa das Bestas de Sabucedo está toda a información de programa. Convidámosche a coñecer os pasos da Rapa das Bestas neste vídeo que fixemos no 2008.