O Courel inicia o verán cos seus centros de interpretación ambiental pechados

Na serra do Courel había dous centros de información turística e interpretación ambiental aberto. Un, na recentemente inaugurada Estación Científica do Courel da USC, onde a Deputación de Lugo mantiña unha aula informativa. E outra, na Aula de Interpretación da Natureza de Moreda, aos pés da Devesa de Rogueira, xestionada pola Consellería de Medio Rural. Mentres a Aula de Moreda non abriu xa despois de Semana Santa, a da Estación Científica pechará o 1 de xullo por non renovación de contratos de persoal. O Concello pediu a reapertura dos servizos pero descoñécese cando se volverán ofrecer.