A aula de interpretación arqueolóxica do monte Facho, en Cangas, non estará rematada para o vindeiro 31 de decembro. Por mor disto, o concello perderá os 600.000 euros do subsidio que a Unión Europea achegaba ao proxecto mediante os fondos Proder II. Agora, o concello anunciou a súa intención de buscar novas fontes de financiamento para esta instalación. O concelleiro de Desenvolvemento Local, Óliver Álvarez, apuntou que a dificultade para adquirir os terreos previstos e obxeccións de Medio Ambiente atrasan o proxecto desde hai anos, segundo recolle hoxe Faro de Vigo.
